اتعودت دايماً ان الناس مهمة في حياتي.. ومن اهمهم اصحابي واخواتي وكانوا دايماً معايا. في كل يوم طول اليوم.. واقربهم ليا اخويا وهو بس اصغر مني بسنة وكان مش بس اخويا وصديقي لكن اكتر .. لاني كنت مسئولة عنه في اوقات كتير علشان احميه اكتر.. كنت اوقات بحس انه ابني.. ولكن انا فقدته سنة 2015 في حادثة وقد مات غرقان.. وفي البداية لم اقدر ان استوعب الخبر.. عقلي لم يقبل او بالاكثر رفض ان يدرك ذلك.. ولكن كان في جوايا صرخة بتخرج.. بكل سؤال.. لية..؟ وازاي؟ ولية دلوقتي؟ انا دا صديقي واخويا.. لية كل الناس بتبعد عني وانا بفقدهم وفي اول يوم انا مكنتش قادرة انام لكن غمضت عيني وحلمت حلم واني كنت بغرق وكنت فاتحة عيني جوا الماية فانا شايفة الشفافية بتعتها ووالفقاعات اللي بتتعمل نتيجة اني بحاول اعمل اي حاجة علشان مغرقش لحد مابتدت الماية تدخل جوا حلقي وطعمها في فمي وقمت وانا في الم شديد وانا بكح وشرقانة من الماية.. لحظتها ابتديت اصرخ لله.. لية.. وانا متالمة جداً.. وفقدت اخويا. ابتدي في اللحظة دي صوت خفيف جوايا قالي افتحي الكتاب المقدس فعملت دا وابتديت اقرا.. والله عزاني جداً وملئ قلبي بالسلام.. حتي ان جسدي المنهك جداً شعر بالراحة.. وابتديت اشعر بالهدوء في افكاري وان الفقدان يمكن ان يعوض حتي فقداني لاخويا.. يقدر الله يسدد حفرة الفقدان والفراغ اللي بقت جوايا.. وان يكون عزائي انه يوجد صديق الصق من الاخ.. وان الله يقدر يكون سند اكتر من اخ او اقرب من صديق انا اختبرت دا.. اذا عندك ازمة مع اخواتك؟ .خلافات مع اصدقائك؟ شاعر بالفقدان والخسارة تعالي وقول ليسوع هو يقدر يساعدك