سلام

إسمي سامح وأنا كتير بحب الكمبيوتر لأني أنا درست لغة برمجة الكمبيوتر والنهارده حابب أكلمكم عن قصة حياتي وكيف اتغيرت؟ كنت يعني ولد وتعلمت على الدخان بدري وكنت زي ما بتقوله كده في عصابه كنا بندخن مع بعض ونشم مع بعض وكان في حبوب مخدرات وحاجات كتير،  انتوا تعرفوا أشياء العصابات والحاجات إلي زي دي.. كان جواي خوف غير عادي.. يعني ما كنتش اعرف انام  بالليل من كثر الخوف إلي جاني أنا لو في شاحنه عدت وصحتني من النوم كتيرأقلق وأخاف و الليلة دي تكون ليله صعبة قوي..

الخوف ده يمكن البداية إلي أجاااا فيها.. ماما كانت ديما تحكيلي هاي الكلمات. آيــــة من الكتاب المقدس "هوذا يأتي كلص في الليل" الآية دي بتتكلم عن يسوع المسيح إنه معنى الآيه إنه هو "يسوع" هايجي فجأه في يوم في الصبح بالليل بغض النظر الوقت بس هو هايجي فجأه وينتهي العالم كله فأنا كنت كتير بخاف لأن أنا كنتش بعيش حياه ترضي الله كنت بعيش حياه مليانه بالصعاب والمآسي وكنت أنا تعبان من  نفسي قوي فكنت بحاول أرتاح من حتت كتيره قوي..

صحلي في مره أروح مؤتمر الوعظة والرسالة كانت كتير  واضحه لي الرسالة كانت.. إنه إنت تعال زي ما إنت والمسيح هايغيرك ما تحاولش تغير من نفسك وبعدين تيجي للمسيح لكن لالالالا تعال زي ما إنت سلم حياتك ليه وهو هايغيرلك حياتك هو قابلك زي ما إنت.. فعلا إلي عملته إنه أنا صليت ورفعت عييني كده لله وقلتله غيرني أنا مش قادر أنا تعبت، رحت أماكن كتيره حاولت ارتاح في حتت كتيره في العالم بس ما فيش حاجه بتريح. أنا عايزك انت تريحني. وأول ليلة يحصل فيها معجزة انه أنام  ثمانية ساعات بدون ما أصحى ولا مره وبدون ما أقلق وصحيت الصبح مليء بالسلام.. فعلا غيرلي حتى أصعب المشاكل الي أنا كنت بواجهها والي هي الخوف و لا رحت كلمت حد عن الخوف ولا حد شرحلي عن الخوف لكن هو "يسوع" إداني سلام غير عادي و أقدر أقول النهارده إنه حياتي مختلفه جدا… وإذا إنت حابب إنه حياتك تكون مختلفه و حابب إنه يكون فيها سلام وحابب إنه المسيح يغيرلك حياتك. تعال زي ما إنت وقوله أنا جاي زي ما أنا غيرلي حياتي أنا بقبلك مخلص شخصي لحياتي ..

تقبل الدعوة؟

زي ما أنا قبلت الدعوه.