قصه حياتي هي اني مكنتش موجود كنت ميت كنت عايش عيشه صعبه جدا جدا كنت بعيد عن ربنا بعد السنين كان كل شويه يكلمني ويبعتلي ناس وانا كنت برفض تماما كنت بروح الكنيسه بخدم واعزف وارنم علشان اخلي البنات تبصلي وتقول مفيش احسن من جسي كنت برنم من بره وبخدم من بره لاكن من جوه كنت مدمر خالص لدرجه ان في الوقت ده لو في حد من الحظيره التانيه وقالي تعاله ..منغير مفكر كنت هروح علي طول ..مكنتش عاوز اعيش لربنا بقلبي كنت عاوز اعيش مع الشيطان لدرجه اني كنت ماشي مع ناس فيها شياطين وناس اللي كانت بتبحث علي حجات بالارواح الشيطانيه ...وفي مره طلبت من حد ان اكتب عقد مع الشيطان ويكون جوايا ..واشتغل شغل غلط ...في الوقت ده كانت حياتي مليانه من التعب والياس والغضب ..وكان ربنا دايما يمد اديه ويشيل حجات كتيره لاكن كنت برفض ..وفي مره كنت ماشي ولقيت واحد صحبي من اللي كان عليه ارواح نجسه ..شكله اتغير افعاله اتغيرت كان منور كان مليان بحجات حلوه من جوه ..استغربت جدا انه اتغير تماما اللي تلك الصوره عيناها ..روحت ليه واتكلمت معاه ولقيت ربنا بيكلمني كلام مكنتش اتوقعه مكنتش مصدق ان حلاوه ربنا هتبقي كده مكنتش برضو متخيل ان ربنا هيقبلني ...وفي يوم 25 / 9 /2013 صليت وقبلت ربنا من كل قلبي وحياتي عايشه في هنا وحياتي عايشه في تسبيح ...ان ربنا احبني واتصلب بدالي ..واتهان ...واتشتم ...واتف عليه ...كل ده من مين ...كل ده عملناه احنا فيه ...بس مفكرنا ان كل ده عمله علشانا احنا بس للاسف ساعات كتيره مش بنفكر صح مش بنشوف صح ...لاكن ربنا دايما عاوز يخلينا نعيش حيات السماء ...لاننا اتغسلنا بدمه المسفوك لاجلنا اللي احنا منستحقوش ...رساله لكل الناس دلوقتي عندك فرصه ...اوعي تاجل ....ده جزء من قصه حياتي في حجات تاني كتيره بس ده اللي ربنا عاوزني اقوله ..ربنا يكون بيعمل بينا ويجول ويصنع خيرا في اسم يسوع امين