مافتكرش ان حياتي فيها صفحه بتفصل بين الابيض والاسود الي فيها  ، الي هوا انا كنت وبقيت ،،،،،ومش فاكرة امتي بالظبط حب الله اتولد جوا قلبي،،لاني اتولدت من اب وام مومنين ف طول الوقت متواجدة جوا الكنيسه ف مش عندي تاريخ ميلاد روحي افتخر بيه للاسف لكن بكل تاكيد عرفته ودوقته واتلذذت بيه جدا وعندي الاهم من مجرد تاريخ او يوم اشهد عن الرب فيه اني اتقابلت معاه واتغيرت حياتي وقتها عندي معاملاته معايا  كل لحظه وكل ثانيه اللي دايما بيقولي فيها بحبك،،،،عندي رحله عمري اللي مش بتتجاوز 22 سنه وكل  ثانيه فيها بتشهد عن صلاحه من اول طفولتي لحد جامعتي واختبار الثانويه العامه اللي مش هنساه ابدا اللي لما وعد قبلها بكلمه كان اد الوعد ووفي بيه رغم تقصيري وفرحني بكليه الصيدله ودا لانه امين رغم عدم امانتي ،،،ولسه مكمل مسيره الحب معايا بنفس الشكل ،،،عندي القدرة اني اقول اني اختبرت انه اله الحب المطلق،،،،، حب مابينتهيش ،،،حب تقوله لا ،،،يرد يقول هفضل احب ،،حب ورحمه ماينفعش احدهم بمجرد تصور اوكلمات لوصفهم ،،حب فاق حدود الخيال،،قبلت ملكوته علي قلبي لكن لسه ببعد وبقع ولسه بيقرب وبيقوم، لسه بنسي كتير اني ابن ولسه الاب بيرد وفاتح الحضن ،،حب بيدوب القلب قدام خطيتي وشري اللي لسه بعافر فيهم هو مستمر ف انه يعين ويغفر ويقدم حب،،،قدام اب مابيملش و مابيكلش من ابن مدلل ومستهتر مابيتحملش مسئوليه طول الوقت ،،،بقوله بحبك ومديونه لحبك وهستمر ف اني اعافر عشان  اكون علي صورتك