انا الخطية ابتدأت معايا من بدري قوي من وأنا صغير أدمنت التدخين بكل أنواعه سجاير وبانجو و و و ……. وأدمنت  الجنس بكل  أشكاله وبدأت حياتي في السقوط حياتي باظت واتدمرت ومكانش عندي حاجة مهمة في حياتي   غير الخطية وبس مش فارق معايا حد ولا سما ولا نار وربنا بالنسبالي كان مجرد حاجة مش موجودة اساسا ناس كتير اتكلمت معايا عنه لكن مكانش بيفرق معايا. ماما واختي كانوا بيصلولي وفي يوم عادي جدا  قابلت خادم اتكلم معايا عن محبة المسيح وقبوله الغير مشروط ليا وإزاي الله حبني وانا خاطئ وضحى بنفسه علشان انسان ضعيف وساقط زي ومن وقتها سلمت حياتي ليه واديته مستقبلي وعمري واحلامي بقعد معاه كل يوم اتكلم معاه وهو يكلمني عنه وعني .لسة بتغير لصورته ولسة بعافر مع الخطية لكن هو بيديني نعمة في الضعف اقدر انتصر على الخطية وانا دلوقتي باخدمه بالتسبيح في وسط شباب هذا الجيل